اسلام آباد) وفاقی حکومت نے سائبر کرائم کو ایف آئی اے سے الگ کرکے این سی سی آئی اے کے نام سے نئی ایجنسی بنادی، ملک بھر میں سوشل میڈیا اور ایپس سے متعلق تمام معاملات این سی سی آئی اے دیکھے گی، ملک بھر میں زونل آفسز اور تھانے ہوں گے، ڈی جی کو آئی جی کے اختیارات استعمال کریں گے۔ میڈیا رپورٹ کے مطابق وفاقی حکومت نے سائبر کرائم کو ایف آئی اے سے الگ کرکے نیشنل سائبرکرائم انویسٹی گیشن ایجنسی بنادی، نئی اتھارٹی بنانے کا باقاعدہ آرڈیننس بھی جاری کردیا گیا، سائبر کرائمز کی روک تھام کیلئے نیشنل سائبرکرائم انویسٹی گیشن ایجنسی (این سی سی آئی اے ) کے نام اسے ایک الگ اتھارٹی بنا دی ہے، نیشنل سائبرکرائم انویسٹی گیشن ایجنسی کا اپنا ڈائریکٹر جنرل تعینات کیا جائے گا، این سی سی آئی اے کے ملک بھر میں ایف آئی اے طرز پر زونل آفس بنائے جائیں گے، سائبر کرائم سے متعلق تمام مقدمات کا اندراج اور پراسکیوشن این سی سی آئی اے خود کرے گی۔